News18 Local
ବଲାଙ୍ଗିର: ଆପଣ ମାନେ ସମସ୍ତେ ଜାଣିଥିବେ ଯେ, ବର୍ତ୍ତମାନ ସମୟରେ ମଧ୍ୟ ପ୍ରାଚ୍ୟ ଅଞ୍ଚଳରେ ଯୁଦ୍ଧ ପରିସ୍ଥିତି ଲାଗି ରହିଛି । ଏହି ଯୁଦ୍ଧ ପରିସ୍ଥିତିର ପ୍ରଭାବ କେବଳ ସେହି ଅଞ୍ଚଳରେ ସୀମିତ ରହିନାହିଁ, ବରଂ ସାରା ବିଶ୍ୱରେ ତାହାର ପ୍ରଭାବ ପଡୁଥିବା ଦେଖିବାକୁ ମିଳୁଛି । ବିଶେଷକରି ଇନ୍ଧନ ସମ୍ପର୍କିତ ଜିନିଷଗୁଡ଼ିକ ଉପରେ ଏହାର ପ୍ରଭାବ ଅଧିକ ପଡୁଛି । ତେଲ ଦର ବୃଦ୍ଧି, ପରିବହନ ଖର୍ଚ୍ଚ ବଢ଼ିବା ସହିତ ଏବେ ଜାଳେଣି ଗ୍ୟାସ୍ ଅଭାବ ସମସ୍ୟା ମଧ୍ୟ ଦେଖା ଦେଉଛି । ଅନେକ ସ୍ଥାନରେ ଗ୍ୟାସ୍ ସିଲିଣ୍ଡର ଯୋଗାଣ ସମୟରେ ହେଉନାହିଁ ବୋଲି ଲୋକମାନେ ଅସୁବିଧାରେ ପଡୁଛନ୍ତି । ଏହି ସମସ୍ୟାର ପ୍ରଭାବ ଏବେ ଆମ ଓଡ଼ିଶାର କିଛି ଅଞ୍ଚଳରେ ମଧ୍ୟ ଦେଖିବାକୁ ମିଳୁଛି । ବଲାଙ୍ଗିର ଜିଲ୍ଲାରେ ମଧ୍ୟ ସମାନ ପରିସ୍ଥିତି ଧୀରେ ଧୀରେ ସୃଷ୍ଟି ହେଉଥିବା ଖବର ମିଳୁଛି । ବିଶେଷକରି ବଡ଼ ବଡ଼ ସଂସ୍ଥା ଓ ଲୋକସେବା ସହିତ ଜଡିତ ସ୍ଥାନଗୁଡ଼ିକରେ ଏହା ଏକ ଚିନ୍ତାର କାରଣ ହୋଇପଡ଼ିଛି । ସେହି ପରିପ୍ରେକ୍ଷିରେ ଆମେ ପହଂଚିଥିଲୁ ବଲାଙ୍ଗିର ସହରର ଭୀମ ଭୋଇ ମେଡିକାଲ କଲେଜ ଆଣ୍ଡ ହସପିଟାଲର କ୍ଯାଣ୍ଟିନକୁ, ଯେଉଁଠାରେ ପ୍ରତିଦିନ ହଜାର ହଜାର ଲୋକ ଖାଦ୍ୟ ଗ୍ରହଣ କରିଥାଆନ୍ତି ।
ପଢ଼ନ୍ତୁ:
ସୁଟିଂ ସେଟର ଭିତିରି କଥା..ସଞ୍ଜୟ ଦତ୍ତ ଓ ରଣବୀରଙ୍କ ମଧ୍ୟରେ ହୋଇଥିଲା ମାଡ଼ପିଟ୍ !
ଏହି କ୍ଯାଣ୍ଟିନ କେବଳ ଏକ ସାଧାରଣ ଖାଦ୍ୟାଳୟ ନୁହେଁ । ଏଠାରେ ମେଡିକାଲ କଲେଜର ଡାକ୍ତରମାନେ, ନର୍ସମାନେ, ଅନ୍ୟାନ୍ୟ ମେଡିକାଲ ଷ୍ଟାଫ୍, ରୋଗୀମାନେ ଏବଂ ତାଙ୍କ ସହ ଆସୁଥିବା ସଂର୍ପକୀୟମାନେ ଖାଦ୍ୟ ପାଇଁ ଏହି କ୍ଯାଣ୍ଟିନ ଉପରେ ନିର୍ଭର କରିଥାଆନ୍ତି । ସକାଳୁ ଆରମ୍ଭ କରି ରାତି ପର୍ଯ୍ୟନ୍ତ ଏଠାରେ ଖାଦ୍ୟ ରନ୍ଧାଯାଏ ଏବଂ ଲୋକମାନେ ଲାଇନ୍ ଲଗାଇ ଖାଇବା ପାଇଁ ଆସୁଥାଆନ୍ତି । ଏହି କାରଣରୁ ଗ୍ୟାସ୍ ସିଲିଣ୍ଡର ଏଠାରେ ଅତ୍ୟନ୍ତ ଆବଶ୍ୟକ । କିନ୍ତୁ ବର୍ତ୍ତମାନ ସମୟରେ କ୍ଯାଣ୍ଟିନରେ ଗ୍ୟାସ୍ ଯୋଗାଣ ସମସ୍ୟା ଦେଖାଦେବାକୁ ଲାଗିଛି । କର୍ମଚାରୀମାନଙ୍କ କହିବା ଅନୁସାରେ, ପୂର୍ବରୁ ଯେପରି ସମୟରେ ଗ୍ୟାସ୍ ସିଲିଣ୍ଡର ମିଳୁଥିଲା, ବର୍ତ୍ତମାନ ସେପରି ସହଜରେ ମିଳୁନାହିଁ । ଯେଉଁ ଗ୍ୟାସ୍ ସିଲିଣ୍ଡର ରହିଛି, ସେଗୁଡ଼ିକ ଧୀରେ ଧୀରେ ସରିବାକୁ ଲାଗିଛି । ଏପରି ପରିସ୍ଥିତିରେ ଦିନକୁ ଦିନ ଏଠାରେ ଖାଦ୍ୟ ରାନ୍ଧିବା ଏକ ବଡ଼ ଚ୍ୟାଲେଞ୍ଜ ହୋଇପଡ଼ିଛି । କ୍ଯାଣ୍ଟିନରେ କାମ କରୁଥିବା କର୍ମଚାରୀମାନେ କହୁଛନ୍ତି ଯେ, ପ୍ରତିଦିନ ଏଠାରେ ବହୁ ପରିମାଣରେ ଖାଦ୍ୟ ତିଆରି ହୁଏ । ସକାଳ ବେଳର ଜଳଖିଆ, ଦ୍ବି-ପହରିଆ ଭୋଜନ ଏବଂ ସନ୍ଧ୍ୟା ବେଳର ଖାଦ୍ୟ ପାଇଁ ବହୁ ଗ୍ୟାସ୍ ଆବଶ୍ୟକ ହୁଏ ।
ପଢ଼ନ୍ତୁ:
ଚାଷୀଙ୍କ ପାଖକୁ ଗଲା ପିଏମ୍ ସମ୍ମାନନିଧି..ଯଦି ଆପଣଙ୍କ ପାଖକୁ ଯାଇନାହିଁ, ତେବେ…
ଯଦି ଗ୍ୟାସ୍ ଯୋଗାଣ ସମୟରେ ନ ମିଳେ, ତେବେ ଖାଦ୍ୟ ରନ୍ଧା ବନ୍ଦ ହୋଇଯିବାର ସମ୍ଭାବନା ରହିଛି । ଯାହାର ପ୍ରଭାବ ସିଧାସଳଖ ଭାବରେ ହଜାର ହଜାର ଲୋକଙ୍କ ଉପରେ ପଡ଼ିପାରେ । ବିଶେଷକରି ଯେଉଁ ରୋଗୀମାନେ ହସପିଟାଲରେ ଚିକିତ୍ସାଧୀନ ଅଛନ୍ତି ଏବଂ ତାଙ୍କ ସହ ଆସୁଥିବା ପରିବାର ସଦସ୍ୟମାନେ, ସେମାନେ ଏହି କ୍ଯାଣ୍ଟିନର ଖାଦ୍ୟ ଉପରେ ବହୁ ଅଂଶରେ ନିର୍ଭର କରନ୍ତି । ଯଦି କ୍ଯାଣ୍ଟିନରେ ଖାଦ୍ୟ ରନ୍ଧା ବନ୍ଦ ହୋଇଯାଏ, ତେବେ ସେମାନଙ୍କ ପାଇଁ ଖାଦ୍ୟ ବ୍ୟବସ୍ଥା କରିବା ଅତ୍ୟନ୍ତ କଷ୍ଟକର ହେବ । ଏହି କାରଣରୁ କ୍ଯାଣ୍ଟିନ ପକ୍ଷରୁ ଗ୍ୟାସ୍ ଯୋଗାଣ ସମସ୍ୟାକୁ ନେଇ ଚିନ୍ତା ପ୍ରକାଶ କରାଯାଇଛି । ସ୍ଥାନୀୟ ଲୋକମାନେ ମଧ୍ୟ କହୁଛନ୍ତି ଯେ, ଯଦି ସମୟରେ ଗ୍ୟାସ୍ ଯୋଗାଣ ସୁନିଶ୍ଚିତ ନହୁଏ, ତେବେ ଆଗାମୀ ଦିନରେ ଏହା ଆହୁରି ଗଭୀର ସମସ୍ୟା ହୋଇପାରେ ।
ପଢ଼ନ୍ତୁ:
ଡାଳିମ୍ବ ଚୋପାରୁ ମିଳିବ ଚମତ୍କାର ଫାଇଦା ! କେହିଜାଣି ନଥିବେ…
ସେହିପାଇଁ ସମ୍ପୃକ୍ତ ବିଭାଗ ଏବଂ ଗ୍ୟାସ୍ ବିତରକମାନେ ଶୀଘ୍ର ଏହା ଉପରେ ପଦକ୍ଷେପ ନେବା ଆବଶ୍ୟକ । ମୋଟାମୋଟି ଭାବରେ ଦେଖିବାକୁ ଗଲେ, ବଲାଙ୍ଗିରର ଭୀମ ଭୋଇ ମେଡିକାଲ କଲେଜ ଆଣ୍ଡ ହସପିଟାଲ କ୍ଯାଣ୍ଟିନରେ ଗ୍ୟାସ୍ ଅଭାବ ସମସ୍ୟା ଏବେ ଧୀରେ ଧୀରେ ଗୁରୁତର ରୂପ ନେଉଛି । ଯଦି ଏହାର ସମାଧାନ ଶୀଘ୍ର କରାଯିବାକୁ ନାହିଁ, ତେବେ ଏହା ହସପିଟାଲରେ ଥିବା ହଜାର ହଜାର ଲୋକଙ୍କ ପାଇଁ ବଡ଼ ଅସୁବିଧା ସୃଷ୍ଟି କରିପାରେ । ତେଣୁ ସମୟରେ ଗ୍ୟାସ୍ ଯୋଗାଣ ସୁନିଶ୍ଚିତ କରିବା ପାଇଁ ସମ୍ପୃକ୍ତ ପ୍ରଶାସନ ଏବଂ ବିଭାଗ ପକ୍ଷରୁ ଆବଶ୍ୟକ ପଦକ୍ଷେପ ନିଆଯିବା ଆବଶ୍ୟକ ।
ରିପୋର୍ଟ- ଶମ୍ଭୁନାଥ ସାହୁ
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
କମ୍ପାନୀ କହିଛି ଯେ ଯଦିଓ ଏହି ସମୟରେ 5G ବଜାରକୁ ଆସିଛି, ଆମେ କୌଣସି ପ୍ରକାରେ ଆମର ଯୋଜନାକୁ ମହଙ୍ଗା କରିବୁ ନାହିଁ । ଆମ ପାଇଁ ଆମ ଗ୍ରାହକଙ୍କଠାରୁ କେହି ବଡ଼ ନୁହଁନ୍ତି । ସେମାନଙ୍କ ଅଭିଜ୍ଞତାକୁ ଉନ୍ନତ କରିବା ପାଇଁ ଆମେ ଆମର ସେବାକୁ ଉନ୍ନତ କରିବା ଜାରି ରଖିବୁ
