News18 Local
ପୁରୀ: ପୁରୀ ରେଳ ଷ୍ଟେସନ ଭିତ୍ତିଭୂମି ଉନ୍ନତିକରଣ କାର୍ଯ୍ୟ ଚାଲିଥିବାରୁ ପୁରୀ ଏବଂ ପୁରୀରୁ ଚଳାଚଳ କରୁଥିବା ରେଳ ସେବା ଆସନ୍ତା ଦୁଇ ମାସରୁ ଅଧିକ ସମୟ ପାଇଁ ଆଂଶିକ ଭାବରେ ବାଧାପ୍ରାପ୍ତ ହେବ । ରେଳ କର୍ତ୍ତୃପକ୍ଷଙ୍କ ସୂଚନା ଅନୁଯାୟୀ, ଏହି ଅସ୍ଥାୟୀ ପରିବର୍ତ୍ତନଗୁଡ଼ିକ ମାର୍ଚ୍ଚ 15 ରୁ କାର୍ଯ୍ୟକାରୀ ହେବ ଏବଂ ମେ 16 ପର୍ଯ୍ୟନ୍ତ ଜାରି ରହିବ। ଏହି ସମୟ ସୀମା ମଧ୍ୟରେ ଖୋର୍ଦ୍ଧା ରୋଡ ଜଙ୍କସନ୍ ଏବଂ ପୁରୀ ମଧ୍ୟରେ ଯାତ୍ରୀ ପରିବହନ ଗୁରୁତର ଭାବରେ ପ୍ରଭାବିତ ହେବ ବୋଲି କୁହାଯାଇଛି । ପୂର୍ବତଟ ରେଳପଥ, ଅର୍ଥାତ୍ East Coast Railway (ECOR) ର ଅଧିକାରୀମାନେ କହିଛନ୍ତି ଯେ ପୁରୀ ଷ୍ଟେସନରେ ବ୍ୟାପକ ଭାବରେ ଭିତ୍ତିଭୂମି ଉନ୍ନତିକରଣ କାର୍ଯ୍ୟ ଚାଲିଛି । ଏହି କାର୍ଯ୍ୟକୁ ଶୀଘ୍ର ଏବଂ ସୂଚାରୁ ଭାବରେ ସମାପ୍ତ କରିବା ପାଇଁ ପୁରୀରୁ ସାଧାରଣତଃ ଚଳାଚଳ କରୁଥିବା କିମ୍ବା ପୁରୀରେ ଯାତ୍ରା ଶେଷ କରୁଥିବା 30 ରୁ ଅଧିକ ଟ୍ରେନର ରୁଟ୍ ଏବଂ ଟର୍ମିନାଲ୍ ବ୍ୟବସ୍ଥାରେ ସାମୟିକ ପରିବର୍ତ୍ତନ କରାଯିବ । ଏହି ପରିବର୍ତ୍ତନ ମାଧ୍ୟମରେ ରେଳବାଇ ଉନ୍ନତି କାମକୁ ବେଗବାନ କରିବା ସହ ଯାତ୍ରୀ ସୁବିଧା ବୃଦ୍ଧିର ଲକ୍ଷ୍ୟ ରଖିଛି ।
ପଢ଼ନ୍ତୁ:
ସୁଟିଂ ସେଟର ଭିତିରି କଥା..ସଞ୍ଜୟ ଦତ୍ତ ଓ ରଣବୀରଙ୍କ ମଧ୍ୟରେ ହୋଇଥିଲା ମାଡ଼ପିଟ୍ !
ରେଳ ବିଭାଗର ଯୋଜନା ଅନୁଯାୟୀ, ପୁରୀରୁ ଚଳାଚଳ କରୁଥିବା କିଛି ପ୍ରମୁଖ ଦୂରପାଳିଆ ଟ୍ରେନ ଆସନ୍ତା ଦୁଇ ମାସ ପର୍ଯ୍ୟନ୍ତ ପୁରୀରୁ ନ ଚାଲି ସମୀବର୍ତ୍ତୀ ଷ୍ଟେସନରୁ ଆରମ୍ଭ ହେବ । ସାକ୍ଷୀଗୋପାଳ ଷ୍ଟେସନରୁ ଆଠଟି ଟ୍ରେନ ଚଳାଚଳ କରିବ । ସେଗୁଡ଼ିକ ମଧ୍ୟରେ ଲୋକମାନ୍ୟ ତିଲକ –ପୁରୀ ଏକ୍ସପ୍ରେସ୍, ଗାନ୍ଧୀଧାମ–ପୁରୀ ଏକ୍ସପ୍ରେସ୍, କାମାକ୍ଷା–ପୁରୀ ଏକ୍ସପ୍ରେସ୍, ତିରୁପତି–ପୁରୀ ଏକ୍ସପ୍ରେସ୍, ସିଆଲଦା–ପୁରୀ ଦୁରନ୍ତୋ ଏକ୍ସପ୍ରେସ୍, ଭଲସାଡ–ପୁରୀ ଏକ୍ସପ୍ରେସ୍ ଏବଂ ସମ୍ବଲପୁର–ପୁରୀ ଇଣ୍ଟରସିଟି ଏକ୍ସପ୍ରେସ୍ ସମ୍ମିଳିତ ଅଛି । ଏହି ଟ୍ରେନଗୁଡ଼ିକ ପୁରୀକୁ ଯିବା ପରିବର୍ତ୍ତେ ସଖୀଗୋପାଳରୁ ଆରମ୍ଭ ହେବ ଏବଂ ସେଠାରେ ଯାତ୍ରା ଶେଷ କରିବ । ସେହିପରି ଆଉ କିଛି ଟ୍ରେନର ସେବା ବୀର ପୁରୁଷୋତ୍ତମପୁର ଷ୍ଟେସନରୁ ଆରମ୍ଭ ହେବ। ଏହାମଧ୍ୟରେ ଇନ୍ଦୋର–ପୁରୀ ଏକ୍ସପ୍ରେସ୍, ଶ୍ରୀ ଗଙ୍ଗାନଗର–ପୁରୀ ଏକ୍ସପ୍ରେସ୍, କାମାଖ୍ୟା–ପୁରୀ ଏକ୍ସପ୍ରେସ୍ ଏବଂ ଜଲେଶ୍ୱର–ପୁରୀ ଏମଏମୟୁ ଟ୍ରେନ ସମ୍ମିଳିତ ଅଛି। ଏହି ଟ୍ରେନ ଗୁଡ଼ିକ ବୀର ପୁରୁଷୋତ୍ତମପୁରରୁ ଚଳାଚଳ କରି ସେଠାରେ ଯାତ୍ରା ଶେଷ କରିବ।
ପଢ଼ନ୍ତୁ:
ସୁଟିଂ ସେଟର ଭିତିରି କଥା..ସଞ୍ଜୟ ଦତ୍ତ ଓ ରଣବୀରଙ୍କ ମଧ୍ୟରେ ହୋଇଥିଲା ମାଡ଼ପିଟ୍ !
ଏହାଛଡ଼ା କିଛି ଅନ୍ୟ ଟ୍ରେନ ମଧ୍ୟ ଖୋର୍ଦ୍ଧା ରୋଡ ଜଙ୍କସନ୍ ରୁ ଚଳାଚଳ କରିବ । ସେମାନଙ୍କ ମଧ୍ୟରେ ରାଉରକେଲା–ପୁରୀ ଏକ୍ସପ୍ରେସ୍ ଏବଂ ତାଳଚେର–ପୁରୀ ମେମୁ ଟ୍ରେନ ସମେତ ଆଉ କିଛି ଟ୍ରେନ ଅଛି । ଏହି ଟ୍ରେନଗୁଡ଼ିକ ପୁରୀ ପର୍ଯ୍ୟନ୍ତ ଯିବା ପରିବର୍ତ୍ତେ ଖୋର୍ଦ୍ଧା ରୋଡରୁ ଆରମ୍ଭ ହୋଇ ସେଠାରେ ଯାତ୍ରା ଶେଷ କରିବ । ରେଳ କର୍ତ୍ତୃପକ୍ଷଙ୍କ ଅନୁସାରେ, ପୁରୀ ଷ୍ଟେସନରେ ଚାଲିଥିବା ଏହି ଭିତ୍ତିଭୂମି ଉନ୍ନତିକରଣ କାର୍ଯ୍ୟ ଆଗାମୀ ଦିନରେ ଯାତ୍ରୀ ସୁବିଧାକୁ ଅଧିକ ସୁଧାରିବ । ବିଶେଷକରି ରଥଯାତ୍ରା ପୂର୍ବରୁ ଏହି ପ୍ରକଳ୍ପକୁ ସମାପ୍ତ କରିବାକୁ ରେଳବାଇ ଲକ୍ଷ୍ୟ ରଖିଛି, କାରଣ ରଥଯାତ୍ରା ସମୟରେ ପୁରୀକୁ ଲକ୍ଷାଧିକ ଭକ୍ତ ଓ ପର୍ଯ୍ୟଟକ ଆସନ୍ତି । ଯାତ୍ରୀମାନଙ୍କ ସୁବିଧାକୁ ଧ୍ୟାନରେ ରଖି ରେଳ ବିଭାଗ ପୁରୀ ଓ ଅସ୍ଥାୟୀ ଭାବେ ଟ୍ରେନ ଚଳାଚଳ କରୁଥିବା ଷ୍ଟେସନମାନଙ୍କ ମଧ୍ୟରେ ବସ୍ ସେବା ବ୍ୟବସ୍ଥା କରିବାକୁ ମଧ୍ୟ ଯୋଜନା କରିଛି । ଏହା ମାଧ୍ୟମରେ ଯାତ୍ରୀମାନେ ଅନ୍ୟ ଷ୍ଟେସନରୁ ସହଜରେ ପୁରୀ ପହଞ୍ଚି ପାରିବେ ଏବଂ ଯାତ୍ରା ସମୟରେ ଅସୁବିଧା କମିବ ।
ରିପୋର୍ଟ- ସତ୍ୟପ୍ରକାଶ ମଲ୍ଲିକ
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
କମ୍ପାନୀ କହିଛି ଯେ ଯଦିଓ ଏହି ସମୟରେ 5G ବଜାରକୁ ଆସିଛି, ଆମେ କୌଣସି ପ୍ରକାରେ ଆମର ଯୋଜନାକୁ ମହଙ୍ଗା କରିବୁ ନାହିଁ । ଆମ ପାଇଁ ଆମ ଗ୍ରାହକଙ୍କଠାରୁ କେହି ବଡ଼ ନୁହଁନ୍ତି । ସେମାନଙ୍କ ଅଭିଜ୍ଞତାକୁ ଉନ୍ନତ କରିବା ପାଇଁ ଆମେ ଆମର ସେବାକୁ ଉନ୍ନତ କରିବା ଜାରି ରଖିବୁ
